Asociación Galega de Editores

Xesús Couceiro recibirá o Premio Fernández del Riego

Venres, 02 Marzo 2012

A Xunta Direcitva da Asociación Galega de Editores acordóu por unanimidade outorgar o Premio Francisco Fernández del Riego á difusión do ámbito editorial e cultural do ano 2012 ao libreiro e editor Xesús Couceiro. O galardón recoñece o labor realizado por unha persoa a prol da cultura do libro serálle entregado en Compostela o vindeiro venres, 9 de marzo, no transcurso da  Noite da Edición, onde tamén serán entregados os premios do sector correspondentes ó ano  2011.

Xesús  Couceiro foi un gran promotor do libro galego e a súa librería un lugar de referencia para estudosos, universitarios e personalidades do mundo da Cultura. Couceiro é libreiro desde o ano 1969. No ano 2007 puxo en marcha unha magnífica librería nun espazo emblemático da cidade, na Praza de Cervantes, onde vén axudando a dinamizar o comercio local. Os seus fillos son, a día de hoxe, o presente e o futuro da Libraría Couceiro.

                                               A xornalista Iria Pinheiro dinamizará a gala

Na  Noite da Edición, que se vai celebrar en Compostela, no Hotel A Quinta da Auga, teñen confirmada a súa presenza personalidades da sociedade galega, do mundo do libro, a cultura,  e a política.

Acturará como mantedora da gala a xornalista Iria Pinheiro. O recoñecemento á edición histórica recaerá este ano en Andavira Editora, fundada hai 25 anos co nome de Edicións Tórculo.

A nova en Brétemas