Asociación Galega de Editores

ISBN e traducións

Contexto e evolución dos últimos anos

            Segundo as publicacións realizadas por diversas institucións do libro durante o ano 2010, entre as que destacan o Informe de Comercio Interior do Libro, da FGEE e os datos do Observatorio do Libro do MCU, a situación da edición e a tradución en  Galicia en relación ás demais comunidades autónomas permite constatar que a situación en  Galicia evolucionou considerablemente nos últimos anos, pasando de 3.044 publicacións en 2005 a 4.069 no 2009. Cómpre ter en conta que dese cómputo tamén forman parte as edicións e publicacións das  institucións públicas galegas.

 Os  datos dende o trimestre de Xulio a Septembre do 2009 ata o mesmo trimestre do 2010, amosan que os libros publicados en  lingua galega ocupan un terceiro posto, solo por detrás dos publicados en español e catalán.

Fonte: Ministerio de Cultura

Cómpre  destacar a importancia da traducción para o sector galego, situándose na  terceira posición, cun 5,4% do total de obras traducidas procedentes de linguas españolas. Tamén ocupa unha terceira posición como lingua destinataria por debaixo do catalán e do español.

O 2007 foi o ano no que se conseguiu un maior número de traducións ó galego, 438 títulos, confirmando a tendencia a alza que comezara no 2001, e asentando o labor da tradución en Galicia nun sexto posto a  nivel nacional. O 18% de toda a edición galega durante o 2007  foron traducións.

                                   Total de traduccións ó galego

Fonte: Ministerio de Cultura

                                   Total de traduccións do galego (ano 2007)      

Fonte: Ministerio de Cultura

A prol do libro no 2010

A  Consellería de Cultura da Xunta, a través da Dirección Xeral de Promoción e Difusión da Cultura, fíxose consciente do valor estratéxico do libro para a expresión do dereito á creación e para a promoción e divulgación da cultura para non perder a tendencia positiva alcanzada nestes últimos anos.

O ano 2010, declarado do  Libro e a Lectura pola Xunta de Galicia,  era unha reivindicación do sector do libro galego, que xa no ano 2008 propuxera a creación dunha campaña transversal de promoción da lectura.

O sector do libro reivindica moitas máis accións institucionais a prol da lectura e do libro, como elementos imprescindibles do acceso ao coñecemento.  

O feito de que o libro se atope nunha intersección, derivada da compatibilidade de dous sistemas produtivos, o analóxico e o dixital, os  cambios nos hábitos culturais, ou a progresiva dimensión da cultura como ben de consumo, supoñen novos retos para o sector, pero tamén novas oportunidades.

• Síguenos en Facebook