Asociación Galega de Editores

Promoción Exterior

A Asociación Galega de Editores traballa na promoción do comercio internacional a través de accións destinadas a dar a coñecer a produción do sector editorial galego. A participación en feiras internacionais do libro e o establecemento de relacións de intercambio comercial cos gremios de editores de América Latina e Europa forman parte da axenda anual da entidade. O tirón experimentado por algunhas pequenas editoriais galegas no eido internacional dálle pulo ás iniciativas de traballo no campo do comercio exterior. 

                                     Orientación da Industria Cultural no Mundo

Na segunda metade do século XX prodúcese un grande incremento das relacións e os intercambios transnacionais, ao ser o editorial un dos sectores máis activos da industria cultural. Esa enorme e complexa actividade de darlle popularidade e divulgación aos produtos culturais veu sucedida polos procesos de concentración e localización das grandes corporacións da industria cultural mundial. As empresas precisan rendibilizar os seus investimentos e necesitan abrirse a novos públicos e mercados.

O Libro Branco da Unión Europea establece as bases sobre as que se deben orientar as políticas culturais de cara ao novo século ao establecer sistemas abertos e elaborar estratexias internacionais que permitan que as empresas se alíen, e ten como obxectivo final a apertura dun terceiro mercado coa supresión de todo tipo de discriminacións así como asegurar a participación, sen exclusións, do seu pluralismo cultural e lingüístico.

Ligazóns relacionadas:

ICEX-INDUSTRIAS CULTURAIS

FOEXGA

EXPORTGALICIA-IGAPE