Asociación Galega de Editores

O Grupo Trymar naceu o ano 2000 adicado á edición de materiais de formación exclusivos, sen unha gran base de clientes, pero fieis, ao atopar materiais que lles apoien no seu traballo profesional diario.

Esta vocación non impidiu que a Editorial Trymar abandonara o eido puramente formativo. Así, nunca deixou de apostar no seu catálogo por obras marcadas pola súa orientación pedagóxica. Xente con ganas de contar historias novas, comprometidas social ou literariamente, atoparon en KÉKERES un lugar onde ser escoitados e divulgados en todo o país. Non satisfeitos con este salto cualitativo, no 2003 arriscamos con GAYGA, unha liña máis atrevida e ousada que a anterior.

Nos últimos anos, a Editorial Trymar apostou por unha labor de recuperación de autores inxustamente esquecidos. Tanto os clásicos da Literatura Española como Galega pasaron a engrosar o noso catálogo, como salvagarda da calidade do mesmo. Dentro desta labor engadimos unha liña específica de adaptacións para mozos cun obxectivo abertamente pedagóxico cara ás novas xeracións, así como unha liña infantil, ALVARELLOS.