TresCtres Editores

Dónde se encuentra:

Está en:
Inicio > Editoriais > TresCTres

Logotipo TresCTres

Av. Alfonso Molina, s/n

15840 Santa Comba

(A Coruña)

Tel.: 981 881 177

Fax: 981 818 799

http://www.tresctres.com/

info@tresctres.com

Banner plataforma

TresCtres Editores (3C3) nace como realidade editorial en marzo de 2001, asentada nos alicerces de TresCtres Deseño. A dirección editorial está compartida por Amancio Liñares e Antonio Puentes. Xurdiu con vocación de ser unha nova editora no universo das letras. Contribuír a impulsar a cultura e as letras galegas é un dos seus obxectivos.

Parte da idea de que editar no noso país é unha aventura empresarial difícil, pero moi fermosa e altamente necesaria. Posto que vivimos nunha sociedade plural e complexa, varias son tamén as coleccións creadas por tresCtres, que tentan darlle resposta a un amplo abano de xéneros e disciplinas: literatura, ensaio, economía, letras galegas, mundo agrario, biografías, libro infantil e xuvenil, música, ecoloxía, teatro ou saúde son algunhas das vinte e dúas áreas ás que se dirixen as súas publicacións. Ademais tamén publica libros singulares, fóra de colección.

Ano de fundación: 2001.

Cargos directivos: X. Amancio Liñares Giraut e Antonio Puentes Chao (directores editoriais); Eugenio Pichel López e Juan Carlos Pichel López (editores).

Liña editorial:
TresCtres xurdiu con vocación de ser unha nova editora no universo das letras. Contribuír a impulsar a cultura e as letras galegas é un dos nosos obxectivos, inda que tamén queremos contar cunha presenza de noso no mundo editorial hispánico e luso, e somos receptivos á publicación de obras de calidade en calquera idioma. 3C3 aposta por editar todo o que se considere interesante, aínda que pertenza a ámbitos diferentes, por iso contempla a posibilidade de editar fóra de colección.

Coleccións:
'DICIONARIO'/Letras dous mil... (autores das Letras Galegas). AXÓUXERE/Música. VARILONGO/Poesía. FURAFOL/Infantil. POLIPATÍN/Xuvenil. VILARNOVO/Ideas e realidades. CÉLTIGOS/Narración. MESTRÍA/Textos para o ensino. XIZ/Didáctica. NÓS-OUTROS/Ensaio. CASTRIZ/Deportes. VAGACEIRO/Guías turísticas. CASTROPOMBO/Agraria. PADREIRO/Economía. SAN SALVADOR/Medicina e saúde. CRUZ DE SANTOS/Teoloxía. COMBA/A muller. DE LEI/Textos xurídicos. LIBROS DO PAÍS/Política. A FERVENZA/Ecoloxía. RUBÍN/Teatro. SER/Biografías.

Títulos do catálogo: 96 (ata febreiro de 2011).

Prefixos do ISBN: 932136, 932667, 933588, 934335, 934890, 9788492727.

Linguas nas que edita: galego, castelán, portugués...

Distribuidoras: Grial (Galicia), Breogán (ámbito nacional) e Midac (Cataluña e parte do Mediterráneo).