Asociación Galega de Editores

Primerapersona nace en novembro de 1999, na Coruña, froito da sociedade entre Elisa Vázquez e Cecilia Martínez, para cubrir un oco de mercado relacionado cos xéneros adscritos á primeira persoa literaria e ós proxectos de didáctica infantil. Dende unha vocación multicultural e plurilingüe e co desexo de facer empresa dende Galicia, Primerapersona desenvolve unha traxectoria de innovación, atenta aos novos retos dunha sociedade cambiante, sen esquecer o que cimenta a nosa historia e a nosa tradición cultural.

As dúas apostas editoriais de Primerapersona: Palabras Maiores (adultos) e Letras Pequenas (Infantil-Xuvenil) ofrecen tanto títulos de autores dos catro puntos cardinais: Brasil, Costa de Marfil, Polinesia, Marrocos, Australia… como de escritores españois, especialmente galegos.

No tocante á temática, Primerapersona é plural na súa oferta, con proxectos para a educación artístico-musical, o coñecemento do medio mariño, as incursións en culturas diferentes, a reivindicación dos clásicos ou o interese pola historia de comunidades coma a dos xudeus de Lituania ou a da etnia dos Puamotu na Polinesia.