Asociación Galega de Editores

2.0 EDITORA nace en Santiago no mes de marzo de 2010 e preséntase dende entón como unha editorial que aposta tanto por nomes e estilos innovadores no panorama narrativo e ensaístico en galego como por ofrecer eses contidos en formatos adaptados ás necesidades e preferencias do lector.

O material que edita combina os soportes tradicionais cos novos soportes dixitais (tinta impresa, tinta dixital, tinta electrónica ou podcasting) e a súa forza reside nesta capacidade de edición e adaptación das producións textuais a diferentes formatos de publicación.

2.0 EDITORA é un proxecto vivo e en constante crecemento, que conta xa no seu catálogo con algúns dos referentes da narrativa de ficción social e con autores de prestixio no eido da socioloxía lingüística, a economía e a empresa, a Redes e as redes.