Asociación Galega de Editores

Xerais saca á luz o "Gran Diccionario Xerais da Lingua" a finais deste mes

Mércores, 04 Novembro 2009

Despois de moito tempo de traballo, a finais deste mes de novembro, Edicións Xerais presentará a nova edición, revisada, ampliada e actualizada segundo a normativa vixente dunha obra imprescindible. Consta de dous volumes, para facilitar a consulta, e contén máis entradas, etimoloxías e transcricións fonéticas.

O Gran Diccionario Xerais da Lingua é unha obra destinada a toda persoa que intente penetrar nos segredos da lingua galega, nos seus diversos ámbitos e niveis. Ademais de ser un diccionario da fala no que se recollen numerosas formas non estandarizadas, é un diccionario de dúbidas e de sinónimos.

O equipo de autores e autoras que traballou nesta obra está formado por Xosé María Carballeira Anllo (Coord.), Carme Ares Vázquez, Carme Hermida Gulías, Primitivo Iglesias Sierra, Xosé María Lema Suárez ou Rosa López Fernádez. Sendo edición de Xosé Cid Cabido.

Fonte: Edicións Xerais de Galicia