Asociación Galega de Editores

Oito contos de Lovecraft editados por Xerais

Venres, 27 Xaneiro 2012

Relatos de terror reúne oito contos de Lovecraft ("A tumba", "Do máis alá", "Herbert West, reanimador", "O can", "A ceremonia", "El", "A besta da cova" e "O alquimista") que amosan como este xenial autor foi o inventor dun novo xénero, o conto materialista de terror, no que utiliza os símbolos que se manteñen no inconsciente das persoas para espertar eses terrores ancestrais que xacen dentro do noso cerebro. Trátase desa literatura de terror «cósmico» que se dirixe á parte máis fonda do cerebro, dominada polos instintos e emocións que están na orixe do xénero humano.

                                                                      O autor

H. P. Lovecraft (1890-1937) naceu na costa leste dos Estados Unidos, onde levou unha vida pausada e saudosa do pasado, pois non se sentía a gusto co tempo que lle tocou vivir. Tivo especial predilección polas lecturas fantásticas e mitolóxicas e traballou para unha editorial.