Asociación Galega de Editores

A Editorial Galaxia publica "Futuro imperfecto", de Xulia Alonso

Venres, 10 Decembro 2010

A Editorial Galaxia acaba de editar a novidade Futuro imperfecto, de Xulia Alonso. Vida e literatura ás veces camiñan á par. Iso acontece neste libro, no que Xulia Alonso narra a historia máis importante da súa vida: a do seu amor por Nico e a da experiencia da súa perda.
Durante as décadas de 1980 e 1990, moitos mozos descubriron simultaneamente o amor e a droga. As consecuencias desa vivencia marcáronos para sempre, a algúns de xeito dramático. Este libro é un reencontro con ese tempo, coa súa presenza proxectada no futuro. Un futuro que xa non pode ser perfecto mais é esperanzado.

Fonte: Editorial Galaxia

Foto: Portada de Futuro imperfecto, da Editorial Galaxia