Asociación Galega de Editores

Edicións Xerais de Galicia publica "Monbars, o Exterminador"

Martes, 10 Febreiro 2009

Edicións Xerais de Galicia publica Monbars, o Exterminador, de Hixinio Puentes, premio Eixo Atlántico de narrativa galego-portuguesa.

Monbars o Exterminador, de Hixinio Puentes é unha novela de aventuras, con alento de Stevenson ou John Steinbeck, escrita con certa tinta aceda. O protagonista rebélase e opina sobre conceptos como a lei, a autoridade, a monarquía, a liberdade, a moralidade... e realiza un canto ao mar e ás súas extraordinarias peripecias vitais. Monbars, alcumado «o anxo exterminador» pola súa xenreira aos españois é un xentilhome da segunda metade do século XVII, que pasa a súa xuventude na illa Tartaruga, no tempo dos grandes piratas do mar Caribe: o Olonés, Morgan,...

Monbars, o Exterminador é unha novela para gozar da lectura que mereceu o Premio Eixo Atlántico de Narrativa galega e portuguesa na súa última edición e finalista do Premio Xerais de Novela 2005.

Fonte: Edicións Xerais de Galicia

Foto: Portada de Monbars, o Exterminador