Asociación Galega de Editores

Charo Portela presenta o primeiro libro sobre Luis Seoane no ano do centenario do nacemento do autor

Mércores, 10 Marzo 2010

Luís Seoane consideraba que a Idade Media fora unha época dourada na vida de Galicia. Por este motivo a súa obra foise inzando progresivamente de referencias, personaxes, a ese tempo que, en moitos sentidos, utilizou como medida para calquera futuro do país. Charo Portela rastrexou a influencia do Medievo na obra de Seoane e estudouna nun libro que acaba de publicar a Universidade de Santiago,...

O ISBN dos libros editados en galego aumentou un 25 por cento no último ano

Mércores, 10 Marzo 2010

Este incremento supón unha tendencia que parece sortear a crise económica xeral. A cifra deuna onte a subsecretaria do Ministerio de Cultura, Mercedes Elvira del Palacio, nunha comisión do Congreso dos Deputados, en Madrid, onde salientou que o crecemento se dera en todas as linguas cooficiais: o 39% en éuscaro e o 22% en catalán (12% en Cataluña e Baleares, e 10% en Valencia).

Del Palacio...

Os editores advirten de que denunciarán a Galicia Bilingüe

Martes, 09 Marzo 2010

Galicia Bilingüe está empeñada en que o próximo curso pais e alumnos poidan elixir a lingua dos libros de texto. Tanto que a asociación que preside Gloria Lago anunciaba onte que facilitará na súa páxina web os manuais traducidos por eles mesmos ao galego e ao castelán.

Nada máis coñecer a noticia, o presidente da Asociación Galega de Editores lanzáballes unha advertencia: "Se o fan, mañá...

A Cidade da Cultura terá unha biblioteca especializada en cuestións de xénero e igualdade

Luns, 08 Marzo 2010

Co gallo da celebración hoxe do Día da Muller, a Secretaría Xeral de Igualdade e a Consellaría de Cultura asinarán un convenio polo que a Cidade da Cultura contará cunha biblioteca que, baixo o nome de Concepción Arenal de Estudos das Mulleres, compilará todo o material en cuestións de xénero e igualdade que se leva producindo en Galicia nos últimos vinte anos.

A edición alternativa galega está vencellada aos movementos sociais

Venres, 05 Marzo 2010

Estaleiro. Urco. Corsàrias. Positivas. Através. Acha Escrava. Edizer livros. Son só algúns exemplos de proxectos editoriais agromados no país nos últimos anos. Iniciativas concibidas desde a autoxestión, cunha perspectiva nacional e en galego. Vencelladas ao asociacionismo cultural, aos movementos sociais e á procura de alternativas aos circuítos convencionais.

Alén desa pesquisa de xeitos de...

Galaxia publicará antes de que remate o ano "A esmorga" libre de censura

Venres, 05 Marzo 2010

A esmorga está a ser publicada hoxe en día de forma incompleta, como consecuencia da prohibición que impuxo no seu momento a censura franquista", así o demostra Xosé Manuel Dasilva, da Universidade de Vigo, no seu estudo "As vicisitudes editoriais d'A esmorga", que acaba de ver a luz no último número de revista Grial, o 184, dedicado á gran novela de Blanco Amor con motivo do cincuentenario da...

Fernández Paz e Ignacio Chao entran na lista de honra do IBBY

Xoves, 04 Marzo 2010

Forest Zhang, director de Administración do IBBY, o máis importante congreso internacional de literatura infantil e xuvenil, informou onte a Edicións Xerais de Galicia da inclusión na Lista de Honra do IBBY 2010 de O único que queda é o amor de Agustín Fernández Paz, como obra orixinal en galego, e do libro A noite d' O Risón de Gonzalo Moure pola calidade da tradución realizada por Ignacio...

Espazo Lectura recibiu o recoñecemento dos Premios de Dinamización Cultural Everest

Xoves, 04 Marzo 2010

O proxecto de dinamización lectora da asociación Espazo Lectura foi galardoado en León co segundo Premio de Dinamización Sociocultural Everest na súa primeira convocatoria. Este premio é unha iniciativa do Departamento de Relacións Institucionais do Grupo Everest cuxo obxectivo é dar a coñecer proxectos e experiencias que se realizan a nivel estatal para o fomento da cultura e o hábito...