Asociación Galega de Editores

Avance dun capítulo de "Ás de bolboreta", Premio Fundación Caixa Galicia 2009

Luns, 29 Xuño 2009

No blog de Xerais http://www.xerais.wordpress.com/, pode descargarse un capítulo das primeiras probas de Ás de bolboreta, a novela de Rosa Aneiros gañadora do Premio Fundación Caixa Galicia 2009.

Rosa Aneiros (Meirás-Valdoviño, 1976) é xornalista e traballa no Consello da Cultura Galega. Colabora habitualmente en distintos medios de comunicación impresos e dixitais, entre eles culturagalega.org (sección Agardando as lagarteiras), Diario de Pontevedra, El Progreso, Galicia Hoxe, Diario de Ferrol (a través da axencia AGN), El País, Grial, Fadamorgana ou Casa da Gramática, ademais do programa Un día por diante, da Radio Galega. En 1999 presentou a súa primeira novela, Eu de maior quero ser á que seguiron Corazóns amolecidos en salitre (2002), Resistencia (Xerais, 2003, oito edicións dende a súa publicación), O xardín da media lúa (Galaxia, 2004), o volume recompilatorio de artigos literarios Agardando as lagarteiras (culturagalega.org, 2003), Veu visitarme o mar (Xerais, 2004), Ás de bolboreta (Xerais 2009), premio Fundación Caixa Galicia de literatura xuvenil 2009 e Sol de Inverno (Xerais 2009), premio Xerais de novela 2009.

Rosa Aneiros ten publicados relatos nos volumes colectivos Narradoras (Xerais, 2000); Relatos (1999), Relatos gañadores do Pedrón de Ouro 1998-1999-2000 (2001) ), Seis ferroláns (2003), Alma de beiramar perdida (2003), Botella ao mar (2003) ou Narradio (Xerais, 2003). Conta no seu haber con recoñecementos como o Modesto Rodríguez Figueiredo (Pedrón de Ouro, 1998); o Manuel Lueiro Rey (1996); o Manuel Murguía (2001), o Carvalho Calero (2001), o Premio Arcebispo Juan de San Clemente (2003), o Premio Careón 2006 ou o Premio da Crítica Losada Diéguez (2005), ademais do Premio Caixanova Francisco Fernández del Riego en 2007 polo artigo xornalístico "A última vaca". Ao pé do abismo (Xerais, 2007) recolle a súa obra xornalística.

Fonte: Edicións Xerais de Galicia

Foto: Rosa Aneiros (Edicións Xerais de Galicia)