Asociación Galega de Editores

Moitos colexios galegos aínda non concretaron o seu proxecto lingüístico para o curso

Mércores, 01 Setembro 2010

A dez días de que empecen as clases, hai centros educativos que aínda non decidiron en que idioma se dará cada materia, colexios que si o teñen claro, desde finais de xuño, pero fáltalles a asignación de profesores e pais que ignoran en que lingua teñen que mercar os libros que este ano se estrean ao cambiar a repartición idiomática coa normativa trilingüe.

Este curso, Matemáticas, Física e Química e Tecnoloxía pasan a impartirse en castelán, mentres que Coñecemento do Medio, Ciencias Sociais, Bioloxía e Xeoloxía aprenderanse en galego. A maiores, os centros educativos teñen que repartir entre os dous idiomas o resto de materias (optativas tipo plástica, educación física, educación para a cidadanía, música ou relixión) para conseguir un equilibrio do 50%, como dita a norma. Non todos os centros conseguiron pechar o seu proxecto lingüístico a finais de xuño, segundo indican fontes do sector educativo, o que atrasa a distribución do material didáctico ás librarías, por parte das editoriais, á espera de coñecer a lingua en que se impartirá cada materia en cada centro.

Fonte: Faro de Vigo