Asociación Galega de Editores

Elena Veiga Rilo e Andrea Maceiras Lafuente, finalistas do Premio Biblos- Pazos de Galicia

Martes, 18 Maio 2010

Andrea Maceiras Lafuente, de Pravio-Cambre, e Elena Veiga Rilo, de Guísamo, son as dúas finalistas da sexta edición do Premio Biblos-Pazos de Galicia que se fallará a mediados de xullo na tradicional cea literaria da Casa Grande do Bachao. O xurado, integrado pola que será titora da gañadora, Fina Casalderrey; por Pablo García Martínez como autor galardoado na anterior edición, e por Tucho Calvo en representación de Biblos, decidiuse polas obras tituladas Morto en fucsia, de Elena Veiga, e A caixa da memoria de Andrea Maceiras.

Elena Veiga, nada o 17 de xaneiro do 1991, é estudante de primeiro de Filoloxía Galega, e Andrea Maceiras (6-11-87) é licenciada en Filoloxía Hispánica e estuda mestrado para Ensino Secundario e Filoloxía Galega, ambas na Universidade da Coruña.

A gañadora coñecerase no transcurso na tradicional cea que se celebra na Casa Grande do Bachao a mediados do mes de xullo.