Asociación Galega de Editores

Unha editorial promove o apadriñamento de libros como fonte de financiamento

Martes, 23 Febreiro 2010

A editorial Littera Libros anunciou a posta en marcha da iniciativa Apadriña un libro 2010, coa que se poderá doar diñeiro para a edición de libros. O doante recibirá todos os títulos novos que vaian aparecendo e o seu nome será rexistrado no apartado de Mecenas que se abrirá na páxina web da editorial.

Littera Libros é unha asociación sen ánimo de lucro que traballa para facer chegarlle ó lector diversos títulos desde unha filosofía de austeridade.

O labor da asociación desenvolveuse grazas ó traballo non remunerado dos seus compoñentes e ó patrocinio de entidades públicas e privadas.

Como consecuencia da crise económica, gran parte desas canles quedaron pechadas, polo que optaron por buscar novas vías de financiamento.

Por 50 euros de cota única, o doante pode formar parte deste novo mecenado e a cambio diso recibirá un exemplar de cada un dos títulos que se publiquen este ano e o seu nome, se así o desexa, aparecerá no índice de mecenas que se incluirá na páxina web de Littera Libros.

Fonte: Galicia Hoxe