Asociación Galega de Editores

O CCG fará unha reflexión estratéxica sobre a cultura galega

Luns, 15 Febreiro 2010

Reflexión estratéxica sobre a cultura galega é o título do proxecto que inicia hoxe o Consello da Cultura. Como o seu propio nome indica, a iniciativa pretende analizar desde unha perspectiva ampla a relación entre sociedade e cultura e as posiblidades desta como motor de desenvolvemento. A análise, coordinada por Xosé López, organizarase en cinco áreas: Galicia como comunidade cultural, Cultura e mercado, Gobernanza cultural, Proxección exterior e mais Institucións e Entidades Culturais. Cada un destes apartados contará coa participación de destacados especialistas nestes ámbitos. Ademais, a reflexión estará aberta ao conxunto da sociedade mediante un web específico. No vindeiro mes de xullo presentarase un documento cos resultados destes proceso, que quere facilitar a formación dun "pacto cultural" entre os principais actores e institucións do sector.

Fonte: Culturagalega.org