Asociación Galega de Editores

Autores e tradutores crean unha comisión de asesoramento da venda de dereitos dixitais das obras

Xoves, 14 Xaneiro 2010

A Asociación Colexial de Escritores de España (ACE) e de Tradutores (ACET) constituíron unha Comisión de Estudos de Novas Tecnoloxías en relación co Libro para informar aos seus asociados dos seus dereitos á hora de negociar, por si mesmos ou a través dos seus axentes, as condicións de venda dos dereitos dixitais das súas obras.

Os escritores e os tradutores buscarán alianzas con outras entidades de autores e de axentes literarios para lograr dous obxectivos: analizar o futuro modelo de negocio editorial e pactar cos editores (e, no seu caso, coas grandes plataformas de servidores dixitais) acordos que respecten os Dereitos de Autor en Internet.

Os traballos da Comisión e os acordos a que se cheguen con terceiros (incluído un Contrato-tipo dixital e o dereito á auditoría informática das empresas editoriais por parte das asociacións de autores) poderanse seguir a través da web www.acescritores.com.

Fonte: Xornal.com