Asociación Galega de Editores

Editores y Libreros promocionan a venda de libros no Nadal

sábado, 18 diciembre 2010

Libreiros e editores colaboran na promoción do libro como agasallo para o Nadalldentro dunha actividade programada polo Clúster do Libro en Vigo. O venres, 17 de decembro, no centro comercial Praza Elíptica de Vigo, terá lugar o encontro co libro e a cultura en MERCA LIBRO, MERCA NADAL. As actividades previstas recollen as inquedanzas de tódolos públicos, dende a política internacional a novidades literarias para nenos que serán
ofertadas en venda polos libreiros que se sumaron a esta actividade.

A xornada comeza ás 10.00 h coa Pizarra interactiva de IR INDO, e o acto "Aprender e xogar coas novas tecnoloxías". Esta actividade pretende familiarizar
aos máis novos e non moi novos coas últimas tecnoloxías da ensinanza.

Pola mañá están programadas as seguintes actividades: ás 11.00h contaremos coa presencia dos Asterix e Obelix galegos: "Os Barbanzóns" con Pepe Carreiro, de Editorial Toxosoutos, que nunha unha nova entrega desta popular tira cómica nos engaiolarán a todos coas andainas no Castro de Baroña. Ás 12.00 h "A Odisea contada para os pequenos", da Editorial Rodeira -EDEBE. Se a vida é un eterno retotno nós dende pequechos xa imos volvendo ao mundo dos clásicos, que tanto influencian a vida moderna.

Na xornada da tarde, ás 17 horas, está prevista presentación da revista de política internacional de "TEMPO EXTERIOR" do Igadi que nunha nova entrega falarán dos ESTADOS TABÚ: unha realidade internacional da que non se fala. É dicir, estados independizados pero non recoñecidos por tódolos actores internacionais e que son
silenciados no día a día da prensa internacional pola inconveniencia da súa propia existencia.

Ás 18.10h abordaranse aspectos relacionados coa Alimentación - Medicina natural -
Nutrición: A Saúde en xogo, coa presentación da Editorial Amyris e a Revista Saber Alternativo. Temáticas de saúde que tocan a tódolos gustos.

As 19.00 h Faladoiro co escritor Francisco Castro: "SIMBAD, MARCO POLO... A LITERATURA É PARA VIAXAR". Unha aposta pola literatura imaxinativa de viaxe e ficción que moverá conciencias para os que aínda non se animaron a coller a mochila e abrirse camiño na aventura do estranxeiro.

Finalmente gardamos un espazo para a sonoridade-poética coa presentación
do Libro-Disco de Ugia Pedreira acompañada de Marina Oural, "Noente Paradise", da Editora Através.

Os libros expostos durante a xornada poderán ser mercados a través das catro librarías presentes: Libraría Andel, Librouro, e Cartabón, todas elas da cidade de Vigo, e Pedreira de Santiago de Compostela.

FONTE: CLÚSTER DO LIBRO( Edición, Librerías e Comercialización de Galicia)

Imaxe: O xograr lector