Asociación Galega de Editores

Ultima semana do obradoiro de curtametraxes audiovisuais feitas por e para nenos

miércoles, 03 noviembre 2010

Este venres remata na Biblioteca Durán Loriga o obradoiro que durante un mes permitiu a nenos e nenas crear unha curtametraxe baseándose nun álbum de OQO

O obradoiro amosa unha forma de facer que o conto non remate nos libros coa posibilidade de convertelo nun filme. Esta é a oportunidade creativa que tiveron as nenas e os nenos participantes no obradoiro de animación audiovisual EU TAMÉN ANIMO!, taller plástico de OQO, que se atopa dentro do programa cultural Outonarte en A Coruña

A partir do conto, A guerra dos números, as pequenas e pequenos desenvolven coa técnica de stop motion a animación da obra con imaxe, voz e música. A plastilina é o material co que se dá vida aos personaxes desta historia.  Nestes obradoiros prácticos, as rapazas e rapaces reciben información sobre as técnicas tradicionais de animación e gravación de son.

Ao final do obradoiro, coas secuencias realizadas cos grupos de traballo en cada unha das sesións confeccionarase o filme enteiro.